ڕێساکانی تایبەتمەندێتی

دوایین نوێکردنەوە: ١٥ی ئازاری ٢٠٢٦

کۆمپانیای ڕێ ئەپڵیکەیشنی مۆبایلی "ڕێ" بەڕێوە دەبات. ڕێساکانی تایبەتمەندێتی ڕوونی دەکاتەوە چۆن زانیارییە کەسییەکانت کۆدەکەینەوە، بەکاریان دەهێنین و دەیانپارێزین کاتێک ئاپەکەمان بەکاردەهێنیت.

١. ئەو زانیارییانەی کۆیان دەکەینەوە

ئێمە ئەم زانیارییانە کۆدەکەینەوە کاتێک ئاپەکە بەکاردەهێنیت:

زانیاریی هەژمار: ناونیشانی ئیمێڵ، ناوی تەواو، ژمارەی تەلەفۆن (ئارەزوومەندانە)، و وێنەی پرۆفایل (ئارەزوومەندانە).
زانیاریی گەشت: ئەو ڕێیانەی دانراون، داواکاریی گەشت، شوێنی سەرکەوتن و دابەزین، کاتی بەڕێکەوتن و، زانیارییەکانی ئۆتۆمبێل.
بەڵگەنامەی پشتڕاستکردنەوە: وێنەی مۆڵەتی شۆفێری و وێنەی سێڵفی، تەنها بۆ پشتڕاستکردنەوەی ناسنامەی شۆفێر دەنێردرێن.
زانیاریی ئامێر: تۆکنی ئاگانامەکان (Expo Push Token) بۆ ناردنی ئاگانامە.
هەڵسەنگاندن و پێداچوونەوەکان: ئەو هەڵسەنگاندنانەی دەیدەیت، یان پێت دەدرێت پاش تەواوبوونی گەشتەکان.

٢. چۆن زانیارییەکانت بەکاردەهێنین

زانیارییەکانت بۆ ئەم مەبەستانە بەکاردەهێنین:

دروستکردن و بەڕێوەبردنی هەژمارەکەت.
گەیاندنی شۆفێر و سەرنشین بۆ گەشتی هاوبەش.
ناردنی ئاگانامە دەربارەی داواکارییەکانی گەشت، پەسندکردنەکان و گۆڕانکارییەکان.
پشتڕاستکردنەوەی ناسنامەی شۆفێر بۆ پاراستنی سەلامەتی.
نیشاندانی هەڵسەنگاندن و پرۆفایلی شۆفێر بە بەکارهێنەرانی دیکە.
ئاسانکردنی پەیوەندی لەنێوان شۆفێر و سەرنشینی هاوگەشت (ژمارەی تەلەفۆن تەنها دوای پەسندکردنی داواکاری ڕێیەکە نیشان دەدرێت).

٣. هاوبەشکردنی زانیارییەکان

ئێمە زانیارییە کەسییەکانی تۆ نافرۆشین. زانیارییەکانت تەنها لەم حاڵەتانەدا بڵاو دەکرێنەوە:

لەگەڵ بەکارهێنەرانی تر: ناو و پرۆفایلەکەت بۆ بەکارهێنەرانی تر دەردەکەوێ. ژمارەی تەلەفۆنەکەت تەنها لای ئەو بەکارهێنەرانە دەردەکەوێ کە هاوگەشتی تۆن و پەسند کراون.
بەڵگەنامەکانی پشتڕاستکردنەوە: مۆڵەتی شۆفێری و وێنە سێڵفییەکان بە پارێزراوی هەڵدەگیرێن و تەنها بۆ مەبەستی پشتڕاستکردنەوە پێداچوونەوەیان بۆ دەکرێت.
دابینکەرانی خزمەتگوزاری: ئێمە سوپەبەیس (بۆ بنکەی زانیاری و پەسەندکردن)، ئێکسپۆ (بۆ ئاگانەمەکان) و، ڕیسێند (بۆ ئیمێڵە فەرمییەکان) بەکاردەهێنین. ئەم لایەنانە لەجیاتی ئێمە زانیارییەکان ڕێک دەخەن.
پێداویستییە یاساییەکان: ئەگەر یاسا داوای بکات، یان بۆ پاراستنی ماف و سەلامەتیمان، ڕەنگە زانیارییەکان ئاشکرا بکەین.

٤. هەڵگرتنی داتا و پاراستنی

داتاکانت لەسەر سێرڤەرەکانی سوپەبەیس هەڵدەگیرێن. بەڵگەنامەکانی پشتڕاستکردنەوە لە کۆگایەکی سەرهێڵی پارێزراودا هەڵدەگیرێن. ئێمە ڕێوشوێنی ستانداردی جیهانی بۆ پاراستن بەکاردەهێنین، لەوانە: پەیوەندییە کۆدکراوەکان (HTTPS/TLS)، چوونەژوورەوەی پارێزراو، بە ناردنی کۆدی کاتی (OTP) لەڕێگەی ئیمێڵەوە.

٥. مافەکانی تۆ

ئەم مافانەت هەیە:

دەستپێگەیشتن: بینینی زانیارییەکانی پرۆفایلەکەت لەناو ئاپەکەدا.
نوێکردنەوە: دەستکاریکردنی ناو، ژمارەی تەلەفۆن و ئیمێڵەکەت لە ئاپەکەدا.
سڕینەوە: سڕینەوەی هەژمارەکەت لە هەرکاتێکدا بێت لەڕێگەی ڕێکبەندی ئاپەکەوە. ئەمە دەبێتە ھۆی هەڵوەشاندنەوەی هەموو گەشتە چالاکەکان و داواکارییەکانی گەشت، هەروەها زانیارییەکانی پرۆفایلەکەت بۆ هەمیشە دەسڕدرێنەوە.

٦. ماوەی هەڵگرتنی زانیاری

زانیارییەکانی هەژمارەکەت دەپارێزین تا ئەوکاتەی هەژمارەکەت چالاک بێت. کاتێک هەژمارەکەت دەسڕیتەوە، پڕۆفایل، مێژووی گەشتەکان و بەڵگەنامە پشتڕاستکراوەکانت بۆ هەمیشە دەسڕدرێنەوە. ئەو هەڵسەنگاندنانەی بە بەکارهێنەرانی دیکەت داوە بە نەناسراوی دەمێننەوە.

٧. ئاگانامەکان

ئێمە تەنها ئاگانامەی گەشتەکان دەنێرین (داواکارییەکان، پەسندکردنەکان، هەڵوەشاندنەوەکان، تەواوبوونی گەشت). دەتوانن لەنێو ڕێکبەندیی ئامێرەکانتان ئاگانامەکان بوەستێنن.

٨. تایبەتمەندیی منداڵان

ئەم ئاپە بۆ بەکارهێنەرانی خوار تەمەن ١٨ ساڵ نییە. ئێمە بەئەنقەست زانیاری لە منداڵان کۆ ناکەینەوە.

٩. گۆڕانکاری لەم ڕێسایەدا

ڕەنگە جاروبار ڕێساکانی تایبەتمەندێتی نوێ بکەینەوە. گۆڕانکارییەکان لەم پەڕەیەدا بڵاو دەکرێنەوە و بەرواری نوێکردنەوەکەشی لەگەڵ دەبێت.

١٠. پەیوەندیمان پێوە بکە

ئەگەر هەر پرسیارێکت دەربارەی ڕێساکانی تایبەتمەندێتی هەیە، پەیوەندیمان پێوە بکە لەڕێگەی: hello@reapp.krd